youtor.org
Linksys Velop mx4050 開箱評測！全港最平 WiFi 6 三頻路由器 接收、速度、穩定性超晒班！Velop MX5300 Netgear Orbi TPLink Deco
#############################
Video Source: www.youtube.com/watch?v=gjgJ6ZVwnCk
近期好多朋友都問我，換Router要點揀好。我會覺得價錢、穩定性、速度同埋擴充性都好緊要，最平又或者最快都未必係最好嘅選擇。Linksys最近就推出咗 Velop MX4050 三頻Mesh路由器，而且價錢合理，今日就同大家睇下！ • 宜家揀Router，就當然要買支援Wi-Fi 6 嘅，因為一隻Router隨時用幾年，唔去盡好容易Outdate。呢款MX4050外型靚仔，共設有1 Wan 3 LAN 共4個 Gigabit Port，提供一條2.4GHz同2條5GHz 支援 Wi-Fi 6 嘅頻段，喺獨立運作嘅時候仲可以用晒3條Channel接駁唔同嘅裝置，以HK$1499嘅價錢，絕對係市面最平嘅三頻Wi-Fi 6 路由器。 • 可能你會話，既然都係當單頭Router用，點解仲要買Mesh呢？ 擴充性其實都好緊要，始終唔係一二百蚊嘅投資，買定一部支援Mesh擴充嘅路由器，將來想全屋都收得好啲穩定啲再Upgrade都唔遲！ • 咁點解我咁強調三頻呢？ 如果你得一兩部裝置，其實雙頻同三頻真係分別唔大。但宜家一間屋隨時有二、三十個上網嘅裝置，多條路俾裝置行，就可以減低甚至避免塞車嘅影響！更加可以將唔係行緊Wi-Fi 6 嘅裝置用量智能搬去閒置嘅頻段，提昇整體網絡嘅表現。 • Linksys Velop MX4050 設定相當簡單，Download Linksys App，再好似我咁，一步一步跟住Set，唔洗3分鐘就設定好部Router喇。跟住就當然要試下測速啦！ • 首先睇下由Router去光纖Modem嘅實速先… 可以睇到，下載同上載都去到950mbps左右，跟住我哋就喺MX4050旁邊做個speedtest先… 由於用緊嘅 iPhone 11 Pro Max支援 Wi-Fi 6 嘅關係，所以出嚟嘅Speed完全無問題，下載同上載分別超過800同埋500mbps！ • 之後去遠啲嘅洗手間入面試下先！ 經過一度牆同埋木門之後，MX4050以Wi-Fi 6下載嘅速度會係點呢？ 下載仍然Keep倒700mbps左右，上載都有差唔多300mbps，ok啦！跟住試埋廚房！中間經過咗主力牆同埋防火門，睇下又係點？ 400mbps左右嘅下載，掂呀！為咗睇下 MX4050有幾厲害，我就出埋屋企門口，隔住主力牆、屋企大門同埋兩層防煙門，大約15米左右，睇下仲收唔收到先！ 都有百幾mbps下載㗎！ • 睇咗咁極端嘅情況，不如模擬一下日常使用。我同時用6個裝置，睇唔同嘅串流片，之後用手上支援 Wi-Fi 6 嘅手機做一次Speedtest，睇下MX4050喺多裝置一齊使用數據時，會唔會有明顯降速同埋遲緩嘅情況… 開始！時延無問題！亦唔覺有降速或者遲鈍嘅情況… 相信在日常生活入面，一家人又睇片、又upload、再同時Zoom都無問題啦！ • Linksys Velop MX4050 絕對係對上網嘅速度同穩定性有要求，但又唔想投資太多嘅朋友其中一款最佳嘅選擇。咁 MX4050 係MESH組網方面嘅表現又係點呢？ 之後再同大家試下！ • #mx4050 #velop #wifi6
#############################
