Youtor
NORTHANGER ABBEY 2007 Part 310
>> YOUR LINK HERE: ___ http://youtube.com/watch?v=G7tvSvNSceI
#paitegospelsong • Mihingte I niteng hinkhua a Toupan i hinna honna bawlhoih sak touzel ahihdan phok gige ding, kipahding chih a gen mun mahmah pawl ka hih hang in, ka practice zoh louh hun a tam mah mah chih ka ki phok a, abiik in tuhun sang in ka hun paisa te ka sutchiah Pathian mai a ngaihdam ka nget hun a tam hi. Achang in Toupa tuban ka huchi nawn hetkei di' chi'n ka thum zel hi. • Huchia om a khosa nimnem ka hihlai in, niteng, khateng leh kumteng in Toupan honna kem in honna veng ahi chih ka testimony ahi. Kei kikep zoh leh bengvak ziak ahihlouh dan hun tampi ah Toupan hon musak hi. • Damlouhna tuah hun a om a, thomhau sim hun bang le om thei zel. Huai hunte bang a Pathian in vehtu ding, damding hon deihsak leh hon it mahmah, poi ana sa leh hon thumpih ding honna koihsak zel te bang chichi hiam in hon kilang sak a, hampha leh lohchinna neihhun a hon kipahpih ding mihing lak apat mah noute honna pezel a, huaite ka hoihna in hon hipziak a hon hihsak na hi kei ua, Toupa hoihna leh Ahihna na theih ziak ua semsuah na hi zaw uh chih ka thei nawn hi. • Toupan tuni tan Amuanhuai na hon musak a, A ngeingei a muanhuai, a hon itna leng kiam ngeilou, zulhzau lou, bangmah dang toh hon kop ngeilou a itna siang a hon itt Toupa ahih ka niteng hinkhua a ka theih chet hun a ka kilatna laa, Toupa ka thuk kik zoh ngeilouh ding ahihlai in a lungdamna ka hihsak theihding honna koihsak ka phok hi. • Huai ahihleh sawtpek a kana theih leh byheart sa, tuhun a Toupan hon piakthak Psalm (Sam) 18:2, 62:6, 116:12-13 te apat Toupa tung a kipak a hinkhua zatding, Toupa kei A ahih ziak leh Amah A kahih khak ziak a kipah ding, haksatna tampi lak apat hon hondam Pathian kiang a kipahthu genna neih gige ding chih ahi. Toupa hotdamna kamuh lai a a Hotdamna kipahna sangtak niamsak theiding setan khemna apat hon vawksang thei Toupa kia ahi chih! • Toupan I tan chiat uah hiai laa tungtawn a kipahna hinkhua zang thei zel ding in, hon vualzawl chiat hen aw. • ++++++++++++++++++ • Amah Keia • Lyrics Tune: Ching Mangte • Asa: Mrs. Hoimandim Ching Mangte • 1. Toupa natung ah lungdam lua ing • Hoihna neilou pi hiaitan non pi • Ka lungkham mangbatni a tam zong • Na hoihna'n kei leltak hon luaiden • Na itna nisim in non musak • Lungkham mangbat napan non hon khia • Chorus • Kalung nuam hi Toupa tung ah • Ka lau keiding Toupa ang sung ah • Nopna laa san ka phat ding hi • Amah kei a kei zong Toupa a • 2. Ka damlouh in vehtu non pia a • Ka lungkham ni'n nemtu non pia hi • Ka taksap ni'n na van hauhsak na • Ka tuahphat ni'n hon lungnop pih ding • Na mite tawn ka siang ah non sawl • Bitna Toupa ka bangkim nahi • 3. Na muanhuai na nisim non musak • It a non kepna pian in dang hi • Ka tung a na hoihna te ziak in • Banghiam kahih theih dang omlou zong • Ka hotdam na nou ka dom sang ding • Namin lou in Toupa hon phat ing • ------++++-------+++++---------+++-----
#############################
