Youtor
倫敦塔橋＠故事
YOUR LINK HERE:
http://youtube.com/watch?v=clx2922biHU
London Bridge is falling down, • Falling down, falling down, • London Bridge is falling down, • My fair lady. • 呢首歌可謂家傳戶曉，而廣東話亦有首《有隻雀仔跌落水》。但係，今次唔係介紹London Bridge，而係隔離嗰條Tower Bridge，當中嘅故事亦同London Bridge有關。 • 話說喺1965年，英國政府發現已經歷100多年風雨嘅London Bridge正係度非常緩慢咁下沉，陷入泰晤士河。今次真係London Bridge is falling down！咁呢條喺Tower Bridge隔離嘅London Bridge又同Tower Bridge有乜關係呢？ • 當時有人提議將條橋賣咗出去，同時又有人肯用100萬英鎊將條橋買去美國。如是者，一拍即合。買家係一位叫Rober嘅美國人，佢當時認為架橋必須座落喺有大片水域嘅地方，佢於是搵到London Bridge落戶地，就係當時了無人煙嘅亞利桑那州的Lake Havasu。 • Robert呢筆交易極為複雜。首先橋樑需要起喺河流上面，所以需要美國總統授權去挖一條運河，再說服咗16個反對呢個項目嘅環境保護團體，讓佢哋相信呢個項目唔會對環境造成破壞。古老的倫敦橋被拆解後，大約10600塊石墩乘船越過大西洋，穿過巴拿馬運河，又乘坐卡車陸路抵達Lake Havasu。London bridge終於喺1968年9月23日，喺亞利桑那沙漠開幕重生。 • 問題出現嘞，究竟呢位百萬富翁Robert點解用咁多錢同埋心機買呢條平平無奇嘅橋呢？當時，有唔少傳媒都報導指出，Robert根本就係買錯咗橋，本來係想買極具歷史價值同埋華麗堂皇嘅Tower Bridge，但係就買錯咗一條平凡不過嘅London Bridge。Robert當然有回應指出，一睇就知Tower Bridge咁宏偉，係無可能搬得走。呢個笑話／留言一直傳頌至今。 • 而家大家見到嘅Tower Bridge係一條會打開嘅橋。 • 佢可以將佢嘅跳板升起至86度，方便河上交通通過。跳板由液壓系統操作，使用油同電力而唔係原始設計中嘅蒸汽驅動。原始嘅泵送引擎、蓄能器同鍋爐而家喺Tower Bridge嘅引擎室展出。該橋每年仍然升起約800次，主要係為咗遊船同海軍艦艇。 • 嚟咗英國一年，我揸車每日都經過，只係見過一次Tower Bridge橋樑開合，歷時大約半個鐘。封橋塞車，本地人司空見慣，遊客就興致勃勃。 • 另外，Tower Bridge其中一個故事係喺橋嘅北端下面嘅死人洞（Dead Man’s Hole）。呢個係一個維多利亞時代嘅設施，用嚟收集喺泰晤士河裡面漂浮嘅屍體。喺橋樑東面嘅岸邊，有一個圓形嘅洞口，可以通往一個小型嘅碼頭。喺呢度，一隊由Tower Bridge管理人員組成嘅水警會用鉤子將屍體拉上岸，然後放喺一個特別設計嘅棺材裡面，等待認領或埋葬。 • 死人洞嘅存在反映咗泰晤士河嘅殘酷歷史。喺19世紀，河道係倫敦最重要嘅交通和貿易渠道，但都係最危險同污染嘅地方。好多人因為意外、自殺、謀殺或疾病而喺河裡面死去。有時，屍體會被河水沖走或被魚吃掉，有時就會被發現並送到死人洞。喺1888年至1894年間，Tower Bridge建造期間，就有至少50具屍體被發現。 • 而家，死人洞已經唔再使用，但仍然可以從橋樑上面睇到。佢係Tower Bridge嘅一個陰暗而又引人入勝嘅秘密。 • 請支持我： • 買件T-shirt👉https://storeAN.redbubble.com • 買杯咖啡👉https://ko-fi.com/lawan • 睇個video👉 / @lawanchannel
#############################
