အညာ မာရသွန်

YOUR LINK HERE:

http://youtube.com/watch?v=outVY9yGHV0

“ပြေးရတာကတော့ သီတင်းကျွတ် မီးထွန်းပွဲ လှည့်တာထက်တောင် စည်ကား သေးတယ်” • ‌ • ရှေ့တက်ဖို့ တွန့်ဆုတ်နေတဲ့ နွားကို နှင်တံနဲ့ နှင်မောင်းရင်း မလှလှဝင်းက ပြောပါတယ်။ မလှလှဝင်းဆိုတာ အညာဒေသ ဘုတလင် နေပူစု ရွာသူပါ။ • ဘုတလင်မြို့ဆိုတာ မုံရွာမြို့အခြေစိုက် အနောက်မြောက်တိုင်းစစ်ဌာနချုပ် (နမခ) နဲ့ မိုင် ၂၀ ကျော်သာဝေးတဲ့ မြို့ နယ်လေး တစ်ခုပါပဲ။ • အဲဒီ ဘုတလင်နယ်ထဲက မြောက်ကျီ၊ စီပါ၊ ဆည်ဝ၊ တရော်တော ၊ဆည်ဝရွာသစ် ၊ စိုင်ပြင်လေး၊ နေပူစု စတဲ့ ကျေးရွာ တွေဆိုတာ စစ်အုပ်စုက ထောင်းလမောင်းကြေအောင် စစ်ကြောင်းထိုး မီးရှို့ဖျက်ဆီးလို့ ဒေသခံတွေ ‌ဘေးလွတ်ရာ ထွက်ပြေးနေခဲ့ကြရတဲ့ ကျေးရွာတွေပဲ ဖြစ်ပါတယ်။ • အောက်တိုဘာလ ၄ ရက်က စလို့ စစ်အုပ်စုဟာ ဘုတလင်နယ်ထဲကို စစ်ကြောင်းထိုး ဝင်ရောက်ပြီး ရွာစဉ်ပတ်မွှေ လူသတ်၊ လုယက်၊ မီးရှို့နေခဲ့တာ ဖြစ်ပါတယ်။ • အဲဒီ ဘုတလင်ကို စစ်ကြောင်းထိုးနေတဲ့ စစ်အုပ်စုဟာ အောက်တိုဘာလ ၁၀ ရက်မှာ မလှလှဝင်းတို့ နေထိုင်တဲ့ နေပူစုရွာ အနီးကို ရောက်ရှိလာခဲ့တာမို့ မိသားစုဝင်တွေကို ခေါ်ပြီး နိုင်သမျှ ပစ္စည်းပစ္စယတွေကို လှည်းပေါ်တင်ယူလို့ စစ်ဘေးတိမ်းရှောင် ထွက်ပြေးခဲ့ကြရတာ ဖြစ်တယ်လို့ မလှလှဝင်းက ဆိုပါတယ်။ • ကျမတို့က လှည်းရှိတာဆိုတော့ လှည်းနဲ့ပ။ အဘွားတွေ ၊အဘိုးတွေ တင်သွားပြီးတော့ လှည်းနဲ့ထွက်ရတာပ။ နွား စာလေးတွေ တင်လို့။ ကိုယ်တိုင်မောင်းပြီးတော့ ထွက်ပြေးရတာပါ” လို့ စစ်ဘေးတိမ်းရှောင်ထွက်ပြေးရတဲ့ အခြေ အနေနဲ့ ပတ်သက်လို့ မလှလှဝင်းက ဆိုပါတယ်။ • ညအချိန် နွားလှည်းကိုယ်စီနဲ့ စစ်အုပ်စု လက်က လွတ်ဖို့ အသက်လုပြေးနေရတဲ့ အညာဒေသ စစ်ဘေးရှောင် ပြည်သူတွေရဲ့ အညာ မာရသွန်အကြောင်း MFP က တင်ဆက်ထားပါတယ်။ • MFP ရဲ့ သတင်း၊ ဆောင်းပါးနဲ့ ရုပ်သံတွေကို အောက်ပါ ချန်နယ်တွေမှာလည်း ကြည့်နိုင်ပါတယ်။ • Website - https://mandalayfreepress.com • Youtube - / @mandalayfreepressmfp • Telegram - https://t.me/mandalayfreepress • Facebook - / mandalayfreepress • #Mandalay_Free_Press_MFP

#############################

New on site